ریاض : وزارت حج و عمرہ نے یادہانی کرائی ہیکہ مسجد الحرام میں بچوں کو لانا منع ہے۔ کورونا سے بچاو کیلئے احتیاطی تدابیر کے پیش نظر عائد کی گئی پابندی برقرار ہے۔ویب نیوز ’سبق‘ کے مطابق وزارت حج و عمرہ کے ٹوئٹر پر ایک شخص نے دریافت کیا کہ دو سے سات برس تک کی عمر کے بچوں کو حرم شریف کے بیرونی صحن میں لایا جاسکتا ہے؟سوال کے جواب میں وزارت حج وعمرہ کا کہنا تھا کہ ’مسجد الحرام کے بیرونی صحنوں میں چھوٹے بچوں کو لانے پرپابندی برقرار ہے۔‘واضح رہیکہ کورونا کی وبا کے پیش نظر حرمین کی انتظامیہ نے گذشتہ برس سے بچوں کو حرمین شریفین میں لانے سے منع کیا ہوا ہے۔اس حوالے سے وہ افراد جو بچوں کے ہمراہ عمرہ کی ادائیگی کیلئے جانا چاہتے ہیں انہیں چاہییے کہ وہ اپنے ساتھ بچوں کو نہ لائیں کیونکہ انہیں حرم مکی کے بیرونی صحنوں میں بھی نہیں چھوڑا جاسکتا۔خیال رہے عمرے کا اجازت نامہ ’اعتمرنا‘ ایپ سے حاصل کیا جاتا ہے جس کے لیے کم از کم عمر کی حد 18 برس ہونا ضروری ہے اس سے کم عمر بچوں کو عمرہ پرمٹ جاری نہیں کیا جاتا۔
