مکہ مکرمہ ۔ /16 فبروری (سیاست ڈاٹ کام) مسجد حرام کے دیرینہ موذن الشیخ علی ملا کی نماز عشاء کے دوران اچانک طبعیت خراب ہونے کے باعث اذاں مکمل نہ کرسکے اور ان کی جگہ ایک دوسرے موذن نے آگے بڑھ کر اذاں مکمل کی ۔ موذن الشیخ علی ملا کی حالت اب بہتر ہے اور ان کا علاج جاری ہے ۔ جمعرات کی شام نماز عشاء کی اذاں کے دوران اچانک ان کی آواز میں خرابی پیدا ہوگئی جس کے بعد انہیں اذاں ادھوری چھوڑنا پڑی ۔ انہوں نے بتایا کہ اذاں کی ادائی شروع کی تو اس دوران ان کی آواز بھاری ہوتی گئی اور وہ اذاں مکمل نہ کرسکے ۔ فوری بعد دوسرے موذن ہاشم السقاف آگے بڑھے اور اذاں مکمل کی ۔ الشیخ علی احمد ملا مسجد حرام کے دیرینہ اور مشہور موذنین میں سے ایک ہے ۔ وہ گزشتہ 45 سال سے حرم مکہ میں اذاں کی سعادت حاصل کررہے ہیں ۔ 1975 ء میں انہوں نے مسجد حرام کے موذن کی ذمہ داریاں سنبھالی اور آج تک یہ فرض ادا کررہے ہیں۔
