یروشلم : مشرق وسطیٰ میں رمضان المبارک کے تیسرے عشرے کی شروعات کے ساتھ ہی مسلمانوں نے مقبوضہ بیت المقدس کا رْخ کرلیا۔تیسرے عشرے میں داخل ہوتے ہی مشرق وسطیٰ میں مسلمانوں کی بڑی تعداد عبادات کیلئے بیت المقدس پہنچ گئی۔رپورٹ کے مطابق چہارشنبہ کو مسجد اقصیٰ میں 70 ہزار مسلمانوں نے نماز عشاء اور تراویح ادا کی۔ہرسال ہزاروں مسلمان رمضان کے آخری عشرے میں مسجد اقصیٰ پہنچتے ہیں۔رمضان کے آخری جمعہ کو یوم القدس کے طور پر منایا جا تا ہے۔واضح رہے کہ مسجد اقصیٰ کا انتظام اردن کی حکومت کے پاس ہے جبکہ مسجد اقصیٰ کے اطراف سکیورٹی کی ذمہ داری اسرائیل کے پاس ہے۔
