جے پور: راجستھان کے گورنر کلراج مشرا اور وزیر اعلیٰ اشوک گہلوت نے دیوالی کے موقع پر ملک اور ریاست کے لوگوں کو مبارکباد اور نیک خواہشات کا اظہار کیا ہے ۔دیوالی، گووردھن پوجا اور بھیا دوج کی مبارکباد دیتے ہوئے مسٹر مشرا نے اپنے مبارکباد کے پیغام میں کہا کہ یہ تہوار تاریکی پر روشنی کی فتح کی علامت ہے ۔ انہوں نے کہا کہ دیوالی کا یہ تہوار ریاست کے لوگوں کی زندگیوں میں خوشی اور خوشحالی لائے ۔’’گورنر نے کہا کہ دیوالی کے موقع پر ہمیں برائیوں کے اندھیروں کو دور کرنے اور سماج میں ہم آہنگی کی روشنی پھیلانے کا عہد کرنا چاہئے ۔دیوالی کی نیک خواہشات پیش کرتے ہوئے مسٹر گہلوت نے کہاکہ “کورونا کے دور میں ہم اس جوش و خروش سے محروم ہو گئے ہیں جس کے ساتھ روایتی طور پر دیوالی کا تہوار منایا جاتا ہے ، اس بار میں دیکھ رہا ہوں کہ لوگوں میں بہت جوش، ولولہ اور ماحول ہے ۔ عوام کو میں نیک خواہشات اور مبارکباد پیش کرتا ہوں۔”
