مشرفی مرتضی بھی کورونا سے متاثر

ڈھاکہ۔ بنگلہ دیش کرکٹ ٹیم کے سابق کپتان مشرفی مرتضی کا کورونا ٹسٹ مثبت آگیا ہے ۔ بنگلہ دیش میڈیا کے مطابق36 سالہ مشرفی مرتضی نے خودکوگھر پر قرنطینہکر لیا ہے ۔ یاد رہے کہ بنگلہ دیش میں نئے کورونا وائرس کے پہلے تین معاملات کی تصدیق مارچ میں ہوئی تھی۔ اس کے بعد سے اب تک وہاں88 ہزار سے زائد شہری اس مہلک وائرس سے متاثر ہو چکے ہیں جب کہ یہی وائرس 13جون تک 1100 سے زائد بنگلہ دیشی باشندوں کی جان لے چکا تھا۔واضح رہے کہ کورونا وائرس پہلی مرتبہ گزشتہ برس دسمبر میں ووہان کی جانوروں کی مارکیٹ میں سامنے آیا تھا جس کے بعد سخت لاک ڈاؤن کی بدولت چین وائرس پر قابو پانے میں کامیاب رہا تھا ۔دنیا میں اس وقت کورونا وائرس سے سب سے زیادہ متاثر ہونے والا ملک امریکہ ہے اور اب دنیا بھر میں وبا کے معاملات کی تعداد 80 لاکھ سے زائد ہوچکی ہے جبکہ 4 لاکھ 37 ہزار افراد لقمہ اجل بن چکے ہیں۔