اسلام آباد۔ 24ڈسمبر ۔(سیاست ڈاٹ کام) پاکستان کے سابق وزیرقانون اور پاکستان تحریک انصاف (پی ٹی آئی)کے لیڈر بابر اعوان نے کہا ہے کہ ملک سے غداری کے معاملے میں سابق صدر پرویز مشرف کو ملی سزا کے خلاف حکومت سپریم کورٹ میں اپیل کرسکتی ہے ۔پاکستانی میڈیا کے مطابق اعوان نے کہا ہے کہ مشرف کی غیرحاضری میں بھی ان کی طرف سے سپریم کورٹ میں عذرداری دائر کی جاسکتی ہے ۔پاکستان کی ایک خصوصی عدالت نے 17 ڈسمبر کو سابق فوجی سربراہ کو موت کی سزا سنائی تھی۔ انہیں 3 نومبر 2007 ء کو ایمرجنسی لگانے کے معاملے میں یہ سزا سنائی گئی تھی۔ اعوان نے پیر کو نامہ نگاروں کی کانفرنس سے خطاب کرتے ہوئے کہا ہے کہ سپریم کورٹ کے ایس سی ایم آر 1999، 1719 صفحات کے فیصلے کا حوالہ دیتے ہوئے تصدیق کی کہ ملزم کی غیرموجودگی میں یہ عذرداری دائر کی جاسکتی ہے ۔ سپریم کورٹ نے یہ فیصلہ جس وقت دیا تھا یہ اس وقت کے چیف جسٹس ارشاد حسین تھے ۔انہوں نے بتایا کہ حکومت مشرف معاملے میں قانونی اور آئینی عمل اپنائے گی اور فیصلے کے خلاف کورٹ کا بھی رخ کرسکتی ہے ۔