نئی دہلی23جون (سیاست ڈاٹ کام ) مشرقی دہلی کے وسندھرا انکلیومیں اتوار صبح نامعلوم حملہ آورروں نے ایک خاتون صحافی کو گولی مارکر زخمی کردیا۔صحافی خاتون متالی چندولا کی حالت فی الحال مستحکم ہے ۔پولیس ذرائع نے بتایاکہ یہ واقعہ سنیچر دیر رات اس وقت پیش آیاجب وہ کار سے نوئیڈاجارہی تھی ۔اسی دوران ایک گاڑی نے اوور ٹیک کرتے ہوئے اسکا راستہ روکا اور نامعلوم حملہ آور نے اس پر گولی چلادی ۔یہ واقعہ وسندھرا انکلیو علاقہ میں دھرم شالہ اسپتال کے پاس کا ہے ۔اسکی ونڈ اسکرین پر حملہ آور نے انڈے بھی پھینکے اور اس کے بعد وہ فرارہوگیا۔ واقعہ کی اطلاع ملنے کے بعد پولیس جوانوں نے خاتون صحافی کو فورا اسپتال میں داخل کرایا۔متالی کی بانھ میں گولی لگی ہے۔معاملہ کی جانچ جاری ہے ۔