فوزو، 5 دسمبر (سیاست ڈاٹ کام) چین کے فوژیان صوبے کے پاس جمعرات کو سمندر میں ماہی گیروں کی ایک کشتی ڈوبنے سے چار افراد لاپتہ ہوگئے ۔مقامی انتظامیہ نے بتایا کہ 17 لوگوں کو لے کر جا رہی کشتی جمعرات کی صبح تقریبا 6 بج کر 45 پر زہاگزو شہر کے گلئی جزیرہ نما کے پاس سمندر میں ڈوب گئی۔ یہ لوگ سمند ر میں مچھلی پکڑنے جارہے تھے ۔سیکورٹی انتظامیہ کے مطابق 13 افراد کو بچا لیا گیا ہے اور دیگر چار اب بھی اب تک لاپتہ ہیں۔صوبائی سمندری ریسکیو سینٹر نے فوری طور پر ہنگامی مہم شروع کر دی ہے ۔ ہیلی کاپٹر اور جہاز تلاشی مہم میں شامل ہو گئے ہیں۔
