واشنگٹن ۔ امریکی محکمہ دفاع کا کہنا ہے کہ وہ مشرق وسطیٰ میں تعینات اپنے فوجیوں کی تعداد میں کمی کر رہا ہے۔ میڈیا کے مطابق امریکہ مشرق وسطی سے میزائل شکن نظام پیٹریاٹ کی آٹھ بیٹریاں بھی نکال رہا ہے۔ اس رپورٹ میں کہا گیا تھا کہ یہ میزائل شکن نظام کویت، اردن اور سعودی عرب سے نکالا جا رہا ہے۔ یہ بات اہم ہے کہ اس میزائل شکن نظام کی ہر بیٹری کو چلانے کے کام میں سینکڑوں فوجی اور سویلین اہلکار شامل ہوتے ہیں۔ پینٹاگون کا کہنا ہے کہ مشرقِ وسطیٰ سے کچھ فوجی یونٹس کو دیگر ممالک میں منتقل کیا جا رہا ہے۔