بھوپال: ریاستی تعلیمی مرکز کے ڈائریکٹر دھن راجو ایس نے کہا کہ مشن انکر ملک کے مستقبل کے معمار ہمارے بچوں کی پرائمری تعلیم کی بنیاد سے منسلک پروگرام ہے ۔شری دھن راجو ایس نپن بھارت ابھیان کے مشن انکر میں ضلعی وسائل گروپ کے نمائندوں کے تربیتی سیشن سے خطاب کر رہے تھے ۔ انہوں نے کہا کہ آپ سب کو مل کر اس مہم کو مضبوط کرنا ہوگا۔ مشن انکرکے مقاصد اور وژن کو نپن بھارت ابھیان کے اساتذہ تک لے جانے میں آپ کا رول بہت اہم ہے ۔انہوں نے کہا کہ تمام وسائل گروپ افرادکو اضلاع کے اساتذہ کو موثر طریقے سے تربیت دینی ہوگی۔
