رانچی : جھارکھنڈ میں مشن لائف کے تحت رانچی میں 03 جون بروز ہفتہ صبح 6.00 بجے سے صبح 9.00 بجے تک منعقد ہونے والی سائیکل ریلی کی تیاریاں مکمل کر لی گئی ہیں۔چیف فاریسٹ گارڈ سنجے سریواستو نے آج رانچی کے باشندوں سے درخواست کی ہے کہ وہ مشن لائف کی کامیابی اور صاف ستھرے ماحول اور اچھے طرز زندگی کو اپنانے کا عہد کرنے کے لیے مورہابادی میدان میں منعقد ہونے والی سائیکل ریلی میں زیادہ سے زیادہ تعداد میں شرکت کریں۔مسٹر سریواستو نے بتایا کہ سائیکل ریلی میں شریک ہونے کے لیے 1000 سے زیادہ لوگوں کا رجسٹریشن کیا جارہا ہے ۔ اب تک 800 کے قریب شرکاء رجسٹرڈ ہو چکے ہیں۔ تمام شرکاء صبح 5.30 بجے تک مورہابادی پارک میں واقع باپو واٹیکا کے پاس جمع ہوں گے ۔ شرکاء کو محکمہ جنگلات، ماحولیات اور موسمیاتی تبدیلی کی طرف سے ٹی شرٹ، توصیفی اور مومینٹو دیا جائے گا۔ جن لوگوں کے پاس سائیکل نہیں ہے ان کے لیے سائٹ پر 250 سائیکلوں کا انتظام کیا گیا ہے ۔ اس کے علاوہ پلاش آڈیٹوریم کے احاطے میں تمام شرکاء کے لیے ناشتے کا بھی انتظام کیا جائے گا ۔
