قاہرہ، 29 جون (یو این آئی) مصری ماہرین آثار قدیمہ نے اسوان کے قریب قبۃ الھوا قبرستان میں پتھر کی تین قدیم قبریں دریافت کی ہیں جو 2686-2181 قبل مسیح کے دور کی ہیں۔وزارت سیاحت اور نوادرات نے ہفتہ کے روز ایک بیان میں کہا کہ یہ دریافت موجودہ کھدائی کے دوران اس مقام پر کام کرنے والی ایک مصری ٹیم نے کی ہے ۔مصر کی قدیم نوادرات کی سپریم کونسل (ایس سی اے ) کے سیکرٹری جنرل محمد اسماعیل خالد نے کہا کہ کچھ قبروں کو مشرق وسطیٰ کے دور (2055-1650 قبل مسیح) میں بھی دوبارہ استعمال کیا گیا تھا۔ اس دریافت سے پتہ چلتا ہے کہ قدیم مصر کے مختلف ادوار میںقبۃ الھوا ایک اہم تدفین کی جگہ رہی ہے اور اس دریافت سے قدیم سلطنت اور اولین قرون وسطیٰ کے درمیان ہونے والی تبدیلیوں کو سمجھنے میں مدد ملتی ہے ۔
