قاہرہ: مصر کے وسطی صوبے سوہاگ میں ایک بڑی اور ایک منی بس کے مابین زبردست ٹکر کے سبب کم از کم 7 افراد کی موت ہوگئی جبکہ 11 دیگر افراد زخمی ہوئے ہیں۔مقامی میڈیا کے مطابق ایک بس جو کینا شہر سے قاہرہ کی طرف جارہی تھی ، ووسری جانب سے آرہی بس سے ٹکراگئی ، جس میں ان لوگوں کی موت ہوگئی۔حکام نے حادثہ کی جانچ کے احکام جاری کردئے ہیں اور بچاؤ مہم چلائی جارہی ہے ۔ زخمیوں کو اسپتال میں داخل کرایا گیا ہے ۔واضح رہے کہ مصر میں ٹرانسپورٹ نظام بے حد خراب ہے ، جس کی وجہ سے یہاں حادثات رونما ہوتے رہتے ہیں۔ گزشتہ برس مصر میں سڑک حادثہ میں تقریباًً 3500 افراد جاں بحق ہوچکے ہیں۔
