قاہرہ: وزیر خارجہ ایس جے شنکر مصر کے دو روزہ دورے پر ہیں۔ انہوں نے ہفتہ کو دارالحکومت قاہرہ میں مہاتما گاندھی کو خراج عقیدت پیش کیا۔ جے شنکر نے یہاں ہاریا پارک میں باپو کو خراج عقیدت پیش کیا۔ وزیر خارجہ کا مصر کا یہ پہلا دورہ ہے ۔ جے شنکر مصری وزیر خارجہ سامح حسن شکری کی دعوت پر دو روزہ سرکاری دورے پر یہاں آئے ہیں۔ اس دوران دونوں وزراء کے درمیان باہمی علاقائی اور بین الاقوامی امور پر تبادلہ خیال کیا جائے گا۔اس دورے میں ہندوستانی وزیر مصر میں مقیم طلباء سمیت ہندوستانی برادری سے بات چیت کریں گے اور مصری اور ہندوستانی تاجر برادری کے ایک اجلاس سے بھی خطاب کریں گے ۔ ہندوستان اور مصر کے درمیان روایتی طور پر اچھے دوستانہ تعلقات ہیں اور اس سال دونوں ممالک کے درمیان سفارتی تعلقات کے 75 سال مکمل ہو رہے ہیں۔وزارت خارجہ کی طرف سے جاری ایک بیان میں کہا گیا ہے کہ مصر افریقہ میں ہندوستان کا سب سے بڑا تجارتی شراکت دار ہے ۔
