قاہرہ ۔17 جون (سیاست ڈاٹ کام) مصری وزارت صحت نے فیس بک پر کہا ہے کہ فتحیہ نامی معمر خاتون کو قرنطینہ مرکز میں داخل کیا گیا تھااورکچھ عرصے زیر علاج رہنے کے بعد وہ مکمل شفایاب ہوگئیں اور دواخانہ سے گھر چلی گئی ہیں۔دوسری طرف گزشتہ 24 گھنٹوں میں 1567 نئے مریضوں کا اندراج ہوا ہے۔کورونا کے باعث 94 افراد ہلاک ہوئے ہیں، کل تعداد 1766 ہوگئی ہے۔ملک میں کورونا کے مریضوں کی جملہ تعداد 47856 ہے۔علاوہ ازیں عمانی وزارت صحت نے کہا ہے کہ کورونا کے 810 نئے مریضوں کی تصدیق ہوئی ہے۔عمانی نیوز ایجنسی کے مطابق وزارت نے بتایا ہے کہ نئے مریضوں میں 468 عمان شہری جبکہ باقی غیر ملکی ہیں۔سلطنت عمان میںکورونا کے مریضوں کی تعداد بڑھ24079 ہوگئی ہے، 116 مریض ہلاک ہوچکے ہیں جبکہ 11797 مریض شفایاب ہوگئے ہیں۔سوڈان میں گزشتہ 24 گھنٹوں کے دوران305 نئے مریضوں کی تصدیق ہوئی ہے جبکہ 9 افراد ہوئے ہیں۔سوڈانی نیوز ایجنسی کے مطابق وزارت صحت نے کہا ہے کہ ایک سو افراد شفایاب ہوئے ہیں جبکہ ملک میں کورونا کے مریضوں کی تعداد 7740 ہوگئی ہے۔کویتی وزارت صحت نے کہا ہے کہ اب تک 28896 افراد کورونا سے شفایاب ہوئے ہیں۔سرکاری نیوز ایجنسی کے مطابق وزارت صحت نے بتایا ہے کہ گزشتہ 24 گھنٹوں میں 690 افراد شفایاب ہوکر قرنطینہ سے جنرل وارڈ منتقل ہوئے ہیں۔شفایاب ہونے والے افراد کا کورونا ٹسٹ منفی آیا ہے۔
