مصر کی تاریخی مسجد سے نماز تراویح نشر کرنے کی اجازت

,

   

قاہرہ۔3مئی(سیاست ڈاٹ کام)مصری وزرات اوقاف اورمذہبی امور نے مشرقی قاہرہ کی تاریخی مسجد عمرو بن العاص سے صرف تین نمازیوں کی نماز تراویح ریڈیو نشر کرنے کی اجازت دی ہے۔میڈیا کے مطابق مصری وزارت اوقاف نے کہا ہے کہ تاریخی ماہ صیام کی روحانی مناسبت اورکرونا کی وبا کے خطرات کے تناظرمیں تاریخی مسجد عمرو ابن العاص سے صرف تین افراد امام اور مسجد کے دو دیگر ملازمین کو تراویح کی نماز ادا کرنے کی اجازت ہوگی۔ یہ تروایح وزارت مواصلات قرآن کریم ریڈیو کے تعاون سے ریڈیو پر براہ راست نشر کی جائے گی۔وزارت اوقاف کی طرف سے جاری ایک سرکاری بیان میں کہا گیا ہے کہ ماہ صیام کے دوسرے عشرے کے قریب آنے اور ماہ صیام کی روحانی کیفیات سے مستفید ہونے کے لیے مسجد عمرو ابن العاص سے براہ راست نماز عشاء اور تراویح نشر کی جائے گی تاہم اس میں امام سمیت تین نمازیوں کو نماز میں شامل ہونے کی اجازت ہے۔وزارت مذہبی امور نے مسجد عمرو ابن العاص میں تراویح کے لیے منظور شدہ قاری اور حافظ قرآن کو قرات کے لیے مقرر کیا جائے گا۔مصر میں کرونا کی وبا پھیلنے کے خطرات کے پیش نظر ملک کی تمام مساجد میں با جماعت نمازوں کی ادائیگی پرپابندی عائد ہے۔ مساجد کی انتظامیہ کو تمام ضروری حفاظتی اقدامات یقینی بنانے کی شرط کے ساتھ مساجد میں آنے اور اذان دینے سمیت مساجد کی صفائی جیسے امور انجام دینے کی اجازت ہے۔