ریاض ۔سعودی عرب کی وزارت خارجہ نے کہا ہے کہ سعودی عرب لیبیا میں جنگ بندی کیلئے 6جون 2020 کو قاہرہ اعلامیے کی حمایت کرتا ہے۔ بیان میں کہا گیا ہے کہ مصر کی سلامتی سعودی عرب کی سلامتی کا حصہ ہے اور سعودی عرب مصر کی قومی سلامتی پرآنچ نہیں آنے دے گا۔ بیان میں کہا گیا ہے کہ لیبیا بحران کے خاتمے کے لئے جنگ بندی، خون خرابہ روکنے اور لیبیا کے علاقائی سالمیت کے تحفظ کے سیاسی حل کی تلاش کرنا ہوگا۔ مصر کی سلامتی سعودی عرب اور پوری عرب قوم کی سلامتی کا لازمی جزو ہے۔
