میسوری: امریکہ میں ڈاکٹروں کو معمول کی کالونواسکوپی کے دوران ان کی زندگی کا سب سے بڑا دھچکا لگا جب مریض کی بڑی آنت میں سالوں سے موجود زندہ مکھی برآمد ہوئی، ڈاکٹرز نے سرجری کے بعد اس مکھی کو نکال لیا۔ امریکن جرنل آف گیسٹرو انٹرولوجی نے حال ہی میں امریکی ریاست میسوری میں پیش آئے ایک 63 سالہ شخص کا عجیب کیس شائع کیا جس کی آنتوں میں ایک مکھی رہ گئی تھی۔ عمر رسیدہ شخص کو بڑی آنت کے کینسر کی معمول کی اسکریننگ کیلئے دکھایا گیا تھا اور میسوری کے ایک ہاسپٹل کے ڈاکٹروں نے کالونواسکوپی جس میں آنتوں میں کیمرہ داخل کیا جاتا ہے تاکہ کسی بھی طبی پیچیدگی کی جانچ کی جاسکے۔ ڈاکٹروں نے کالونو اسکوپی کے دوران مریض کے ٹراورس کولون (بڑی آنت کے اوپری حصے) میں مکھی کو پایا، جو حیران کن طور پر زندہ تھی اور معدے میں موجود گیسٹرک ایسڈ سے کسی طرح بچ گئی تھی۔
