تین حلقوں میں جیت کا فرق100ووٹوں سے بھی کم
نئی دہلی۔15 ؍نومبر ( ایجنسیز ) بہار اسمبلی انتخابات میں کچھ مقامات پر مخالف امیدواروں کے درمیان فتح آخری لمحے تک غیر یقینی رہی۔ تین حلقوں میں تو اکثریت صرف 100 ووٹوں سے بھی کم تھی۔ بہوجن سماج پارٹی نے ایک نشست جیت کر اپنی نمائندگی بنائی۔ یہ جیت بھی محض 30 ووٹوں کے فرق سے ہوئی جس نے سب کو حیران کر دیا۔ مایاوتی کی پارٹی نے 192 حلقوں میں حصہ لیا لیکن صرف ایک ہی سیٹ یہ پارٹی جیت سکی۔ اس پارٹی کے ستیش کمار یادو نے رام گڑھ اسمبلی حلقہ سے حصہ لیا۔ آدھی رات کے بعد اعلان شدہ نتائج میں ستیش بہت کم اکثریت کے ساتھ جیت گئے۔ انہیں 72,689 ووٹ ملے جبکہ قریبی بی جے پی امیدوار اشوک کمار سنگھ کو 72,659 ووٹ ملے۔بھوجپور ضلع میں سندیش اسمبلی حلقہ میں جنتا دل(یو) اور آر جے ڈ ی کے امیدواروں کے درمیان فتح کافی دیر تک غیر یقینی رہی۔ آخرکار جنتا دل(یو) کے امیدوار رادھاچرن شا نے اپنے قریبی آر جے ڈ ی امیدوار دیپ سنگھ پر 27 ووٹوں کے فرق سے جیت حاصل کی۔اررا کے اگیان علاقے میں CPI(ML) لبرشن کے شیوا پرکاش رنجن، بی جے پی کے امیدوارمہیش پاسوان کے ہاتھوں 95 ووٹوں کے فرق سے ہار گئے۔نبی نگر اسمبلی سیٹ میں JD(U) کے چیتن آنند نے آر جے ڈ ی کے امیدوار آمود کمار سنگھ کو 112 ووٹوں کے فرق سے شکست دی۔فوربس گنج اسمبلی میں بی جے پی کے امیدوارودیاساگر کو شکست ہوئی۔ کانگریس کے امیدوار منوج بشوان نے 221 ووٹوں کے فرق سے جیت حاصل کی۔