نئی دہلی، 2 مئی(سیاست ڈاٹ کام)کامرس اینڈ انڈسٹری کے مرکزی وزیر پیوش گوئل نے کہا ہے کہ کورونا وائرس کے عالمی بحران کے دوران حکومت ملک کی معیشت کو اس سے نکالنے کے لئے طویل مدتی حکمت عملی بنانے اور بیرون ممالک کے ساتھ تعاون کے لیے تیار ہے ۔ویڈیو کانفرنسنگ کے ذریعے بیرون ملک ہندوستانی سفارت خانوں کے ساتھ بات چیت کرتے ہوئے مسٹر گوئل نے ان خواہشمند ممالک کا خیر مقدم کیا جو ہندوستان کے ساتھ کاروبار کرنے کا منصوبہ بنارہے ہیں۔ انہوں نے کہا کہ ہندوستان کسی بھی کثیر جہتی معاہدے پر دستخط کرتے وقت غیرجانبداری اور تعاون کو سب سے زیادہ اہمیت دیتا ہے ۔اسی وجہ سے ہندوستان نے علاقائی اقتصادی وسیع پارٹنرشپ (آر ا ی سی پی) میں حصہ نہیں لیا۔