لندن۔ انگلش آل راؤنڈر معین علی نے اوول میں ایشزکے پانچویں ٹسٹ میں انگلینڈ کی فتح کے بعد ٹسٹ کرکٹ سے سبکدوشی کی تصدیق کر دی ہے اور وہ دوبارہ اپنا فیصلہ واپس لینے پر غور نہیں کریں گے۔آف اسپن آل راؤنڈر معین نے اوول میں آخری دن تین وکٹیں حاصل کیں اور انگلینڈ نے اوول میں سیریز کے پانچویں اور آخری ٹسٹ میں آسٹریلیا کو49 رنز سے شکست دی جس کے نتیجے میں پانچ میچوں کی سیریز 2-2 پر برابر ختم ہوگئی۔2021 کے موسم گرما کے آخر میں ٹسٹ کرکٹ سے کنارہ کش ہونے والے 35 سالہ کھلاڑی معین نے ٹسٹ کپتان اسٹوکس اور ہیڈ کوچ برینڈن میک کولم کے ساتھ بات چیت کے بعد جیک لیچ کے ایشز ٹسٹ سیریز سے باہر ہونے کے بعد اپنا فیصلہ واپس لیا تھا اور ٹیم میں واپسی کی تھی ۔انہوں نے سیریز کے آغاز میں یہ بھی انکشاف کیا کہ کپتان نے ان سے ایک ٹیکسٹ میسج کے ذریعے رابطہ کیا جس میں صرف ایشیز؟ جس پر اس نے واپسی پر راضی ہونے کا جواب دیا۔ اسٹوکس نے اسکائی اسپورٹس کو بتایا۔ اگر اسٹوکی نے مجھے دوبارہ میسج کیا تو میں اسے ڈیلیٹ کردوں گا! میں نے سیریزکا لطف اٹھایا ہے اور یہ ایک بلندی پر ختم کرنا بہت اچھا ہے۔واپس آنا بہت اچھا تھا۔ برینڈن میک کولم)، جسے میں اپنی پوری زندگی کبھی نہیں بھولوں گا۔ مجھے بہت خوشی ہے کہ میں نے ہاں کہا، انہوں نے مزید کہا۔انگلی کے زخم کی وجہ سے لارڈز ٹسٹ سے باہر ہونے والے آف اسپن آل راؤنڈر نے چار ٹسٹ میچوں میں 180 رنز بنائے، جس میں ایمریٹس اولڈ ٹریفورڈ میں نمبر 3 پر ترقی پانے کے بعد ایک نصف سنچری بھی شامل ہے اور انہوں نے سیریز میں 9 وکٹیں حاصل کیں۔ انہوں نے ایشز سیریزکا ریکارڈ اختتام کیا ۔ 3000 رنزاور200 وکٹوں کے دوہرے سنگ میل تک پہنچنے والے صرف 16ویں ٹسٹ کرکٹر بن گئے۔3,094 رنز اور 204 وکٹوں کے ساتھ اپنے ٹسٹ کیریئرکا اختتام کرنے والے معین وائٹ بال کرکٹ میں انگلینڈ کے لیے کردار ادا کرتے رہیں گے اور توقع ہے کہ وہ رواں سال اکتوبر اور نومبر میں ورلڈ کپ کے دفاع میں اہم کردار ادا کریں گے۔
