کلکتہ: مغربی بنگال کی وزیر اعلیٰ ممتا بنرجی نے پیر کو اعلان کیا کہ اسکول اور کالج 16 نومبر سے دوبارہ کھلیں گے اور چیف سکریٹری کو اس کے لیے ضروری اقدامات کرنے کی ہدایت دی ہے۔محکمہ اسکول ایجوکیشن کے ایک اہلکار نے بتایا کہ حکومت کلاس 9 سے کلاس 12 تک دوبارہ شروع کرنے کا نوٹیفکیشن جاری کرے گی۔ انہوں نے کہا کہ دیگر کلاسوں کے لیے اسکولوں کو دوبارہ کھولنے کا فیصلہ بعد میں کوویڈ 19 کی ہنگامی صورتحال کی بنیاد پر لیا جائے گا۔ریاستی سیکرٹریٹ کے ایک ذریعے نے بتایا کہ کالجوں میں فزیکل کلاسز دوبارہ شروع کرنے کے منصوبے بنائے جا رہے ہیں سی ایم بنرجی نے سلی گڑی کے اتر کنیا میں ایک انتظامی جائزہ میٹنگ میں شرکت کے بعد چیف سکریٹری ایچ کے دویدی کو کہا ، ’16 نومبر سے اسکول کالج کھولیں۔ اس سے پہلے آپ کو وہاں صفائی اور دیگر اقدامات کرنے ہوں گے۔
