کوالالمپور : 26اکٹوبر ( ایجنسیز ) امریکی صدر ڈونالڈ ٹرمپ جنوب ایشیائی ممالک کی تنطیم آسیان کے تین روزہ اجلاس میں شرکت کے لیے ملائشیا پہنچ گئے۔ملائشیا آمد پر امریکی صدر کا ریڈ کارپٹ پر عالی شان استقبال کیا گیا، ٹرمپ نے روایتی انداز سے رقص کیا اور اپنے ہاتھوں سے امریکہ اور ملائشیا کے پرچم لہرائے۔بعد ازاں امریکی صدر، وزیراعظم انور ابراہیم کے ساتھ گاڑی میں بیٹھ کر سربراہی اجلاس کے مقام کی جانب روانہ ہوئے۔میڈیا رپورٹس کے مطابق کچھ دیر بعد تھائی لینڈ اور کمبوڈیا کے رہنما ایک معاہدہ پر دستخط کریں گے جسے امریکی صدر ٹرمپ نے امن معاہدہ قرار دیا ہے۔
