کوالالمپور : ملائیشیا نے عدالتی احکامات کو نظر انداز کرتے ہوئے میانمار کے ایک ہزار سے زائد تارکین وطن افراد کو ملک بدر کردیا۔ملائیشیا نے میانمار کی فوج کی جانب سے بھیجے گئے تین بحری جہازوں سے میانمار کے پناہ گزینوں کو واپس ان کے ملک روانہ کردیا جب کہ کوالالمپور کی عدالت نے پناہ گزینوں کی ملک بدری چہارشنبہ کی صبح تک روکنے کے احکامات دیے ہوئے تھے۔ملائیشین حکومت کا دعوٰی ہیکہ اس نے اقوام متحدہ کے ہائی کمشنر برائے مہاجرین کے تحت رجسٹرڈ کئے گئے تارکین وطنوں کو ملک سے نہیں نکالا۔ملک بدر کیے جانے والوں میں روہنگیا مسلمانوں کے علاوہ میانمار چھوڑ کر آنے والی دیگر اقلیتی گروپ کے افراد بھی شامل ہیں۔ملائیشیا کی حکومت نے تارکین وطنوں کی ملک بدری کی وجہ بھی نہیں بتائی، ایمنسٹی انٹرنیشنل نے ملک بدری کے فیصلے کو غیر انسانی اور تباہ کن قرار دیا ہے۔
