عمان۔ ہندوستانی ٹیم نے پیرکو یہاں سلالہ میں ملائیشیا کو 9-5 سے شکست دے کر خواتین کے ایشین ہاکی 5 ایس ورلڈ کپ کوالیفائر کے فائنل میں داخلہ حاصل کیا۔ ہندوستان کے لیے نوجوت کور (7’، 10’، 17′ منٹ )، مونیکا ڈپی ٹوپو (22′ منٹ)، ماہیما چوہدری (14’منٹ)، ماریانا کجور (9’، 12’منٹ) اور جیوتی (21’، 26′ منٹ) گول بنانے والوں کی فہرست میں تھیں۔ ملائیشیا کے لیے زتی محمد (4’، 5′ منٹ)، دیان نذیری (10’، 20′ منٹ) اور عزیز ظفرہ (16’منٹ) نشانے پر تھے۔ ہندوستان نے میچ کا آغاز ہی جارحانہ انداز میں کیا تاہم ملائیشیا نے تعطل کو توڑا اور چیلنج گول کو کامیابی سے تبدیل کرنے کے بعد زتی محمد (4′ منٹ) کے ذریعے برتری حاصل کی۔ ایک منٹ بعد ملائیشیا نے اپنی برتری کو دوگنا کردیا کیونکہ زتی محمد (5′ منٹ) ایک بار پھر اسکور شیٹ پر تھی، ایک عمدہ فیلڈ گول کر کے انہوں نے ٹیم کو دگنی برتری دلوائی ۔ ہندوستان نے کپتان نوجوت کورکی اسٹرائیک (7′ منٹ) کے ذریعے اپنے گولس کا آغازکیا۔
