کوالالمپور۔13 جولائی (یواین آئی) ملائیشیا کے سابق وزیر اعظم مہاتر محمد کو تھکن کی وجہ سے ہاسپٹل میں داخل کرا دیا گیا ہے۔ قبل ازیں میڈیا نے رپورٹ کیا تھا کہ وہ اپنی 100ویں سالگرہ کی پکنک تقریب کو جلدی چھوڑ کر چلے گئے تھے ۔ میڈیاکے مطابق مہاتر محمد ملائیشیا کے 2 دہائیوں سے زائد عرصے تک وزیراعظم رہے ۔انہیں دل کا عارضہ لاحق رہا ہے اور وہ بائی پاس سرجری کروا چکے ہیں۔ حالیہ برسوں میں انہیں متعدد بار ہاسپٹل میں داخل کیا گیا اور اکتوبر 2024 میں سانس کی نالی کے انفیکشن کی وجہ سے وہ ہاسپٹل میں زیر علاج رہے تھے۔اب ان کو تھکن کی وجہ سے ہاسپٹل میں شریک کیا گیا ہے ۔
