حیدرآباد۔/24 مارچ:جناب عامر علی خاں نیوز ایڈیٹر ’سیاست‘ کو ہریش چندرا فاؤنڈیشن کا مراسلہ وصول ہوا جس میں مسلم نعش کی تدفین کی درخواست کی گئی۔ اس کے علاوہ مختلف پولیس اسٹیشنوں سے 8 درخواستیں تدفین کی غرض سے موصول ہوئیں جملہ 9 مسلم نعشوں کو دواخانہ عثمانیہ و گاندھی ہاسپٹل سے حاصل کرکے قبرستان تھرتھرے شاہ میں تدفین عمل میں لائی گئی۔ نماز جنازہ مولانا سید خواجہ معز الدین اشرفی خلیفہ حضرت علامہ مدنی میاں اشرفی الجیلانی نے پڑھائی جبکہ سید حفیظ اشرفی امام و خطیب جامع مسجد محمدیہ کشن باغ نے دعا کی جبکہ نماز جنازہ میں بالا پور سے سید شجاعت شریک تھے۔ سکندرآباد کی خاتون بشریٰ تبسم نے کہا کہ انکے شوہر سید عبدالمنان عمرہ کی سعادت حاصل کرنے گئے ہیں مرحومین کیلئے دعائے مغفرت کی اور مدینہ شریف میں ملت فنڈ میں تعاون کرنے والوں کیلئے دعا کی ۔ ادارہ سیاست اور جناب زاہد علی خان صاحب کو اللہ پاک صحت کے ساتھ حیات عطاء فرمائے ۔ محمد عبدالجلیل نے ورثاء کے لئے دعاء کی کہ وہ جہاں بھی ہوں اللہ پاک ان کو صبر عطا فرمائے۔ ( آمین )
