حیدرآباد20 اگست (یو این آئی) وزیرصحت ہریش راو نے کہا کہ ریاست میںملٹی پرپز ہیلت اسسٹنٹ ملازمتوں میں اضافہ کیاجارہا ہے ۔ انہوں نے ٹوئیٹ میںکہا کہ حال ہی میں 1520ملازمتوں کو پُرکرنے کا اعلامیہ جاری کیاگیا ہے ۔مزید 146ملازمتوں کو پُرکرنے کا اعلان کیاگیا ہے ۔ انہوں نے کہا کہ نئی ملازمتوں کے ساتھ جملہ ملازمتوں کی تعداد 1666ہوگئی ہے ۔ اس کے علاوہ، حکومت نے اسپتالوں اور دیگر صحت کے پروگراموں میں کام کرنے والے کنٹراکٹ اور آؤٹ سورسنگ ملازمین کیلئے مواقع میں اضافہ کیلئے ان کے تقررکے عمل میں تبدیلیوں کا فیصلہ کیا ہے ۔