نئی دہلی:پارلیمنٹ میں احتجاج پر اپوزیشن کے 24 ارکان پارلیمنٹ کی معطلی پر اپوزیشن ارکان پارلیمنٹ نے شدید ردعمل کا اظہار کیا ہے۔ اپوزیشن جماعتوں کا کہنا ہے کہ ان کے جمہوری حقوق کو پامال کیا جا رہا ہے۔ کانگریس کا یہ بھی کہنا ہے کہ اسے اپنی اعلیٰ قیادت کو ’ہراساں‘ کرنے کے لیے تحقیقاتی ایجنسیوں کے خلاف احتجاج کرنے کی بھی اجازت نہیں دی جا رہی ہے۔ ایسا کرنے پر پارٹی کارکنوں کو گرفتار کیا جا رہا ہے۔ کانگریس کے ان الزامات کا مقابلہ کرتے ہوئے، مرکز نے ہندوستان کی سب سے پرانی پارٹی پر الزام لگایا کہ وہ اپنے لیڈروں کے لیے ‘ڈھال’ بن کر قانونی عمل میں رکاوٹ ڈالنے کی کوشش کر رہی ہے اور ہنگامہ کھڑا کر رہی ہے۔ان الزامات کا جواب دیتے ہوئے پارلیمانی امور کے وزیر پرہلاد جوشی نے کہا کہ کوئی بھی قانون سے بالاتر نہیں ہے۔ “چاہے وہ ملکہ ہو یا ولی عہد، کانگریس پارٹی خود کو عدلیہ اور قانون سے بالاتر سمجھتی ہے۔
