نئی دہلی : شماریات اور اقتصادی منصوبہ بندی کے شعبہ میں نمایاں خدمات انجام دینے والے آنجہانی پروفیسر پرشانت چندر مہالا نوبیس کے اعزاز میں جمعرات کو ملک بھر میں ’یوم شماریات‘ منایا جائے گا۔اس کا مقصد سماجی و اقتصادی منصوبہ بندی اور پالیسی سازی میں شماریات کے کردار اور اہمیت کے بارے میں پروفیسر (آنجہانی) مہالانوبیس سے ہدایت لے کر خاص طور پر نوجوان نسل میں بیداری پیدا کرنا ہے ۔اس سال یوم شماریات کی مرکزی تقریب یہاں اسکوپ کنونشن سنٹر، اسکوپ کمپلیکس، لودھی روڈ میں منعقد کیا جا رہا ہے۔ مرکزی وزیر مملکت راؤ اندرجیت سنگھ اس پروگرام میں مہمان خصوصی کے طور پر شرکت کریں گے۔
قومی شماریاتی کمیشن کے چیئرمین پروفیسر راجیو لکشمن کرندیکر، ہندوستان کے چیف شماریات ڈاکٹر جی پی سامنت بھی اس موقع پر شرکاء سے خطاب کریں گے ۔ اس کے علاوہ مرکزی وزارتوں اور محکموں کے سینئر افسران بھی اس تقریب میں شرکت کریں گے اور ریاستوں اور مرکز کے زیر انتظام علاقوں اور بین الاقوامی تنظیموں کے نمائندوں کی بھی شرکت کے امکان ہے ۔یوم شماریات ہر سال عصری قومی اہمیت کے موضوع پر منایا جاتا ہے ۔ اس سال کا تھیم ‘پائیدار ترقی کے اہداف کی نگرانی کے لیے قومی اشارے کے فریم ورک کے ساتھ ریاستی اشارے کے فریم ورک کا تال میل’ ہے ۔ پروگرام کے تکنیکی سیشن میں وزارت کے اہلکار اس موضوع پر ایک مختصر پریزنٹیشن دیں گے۔
