نئی دہلی : ملک میں کورونا کا قہر بدستور جاری ہے اور گذشتہ 24 گھنٹوں کے دوران ریکارڈ 3.49 لاکھ نئے معاملات سامنے آئے ہیں ، حالانکہ یہ راحت کی بات بھی ہیکہ لگاتار دوسرے دن بھی ، دو لاکھ سے زیادہ مریضوں نے وبا کو شکست دی ہے۔اس دوران ہفتہ کو 25 لاکھ 36 ہزار 612 افراد کو کورونا کے ٹیکے لگائے گئے اور اب تک 14 کروڑ 9 لاکھ 16 ہزار 417 افراد کی ٹیکہ کاری کی جاچکی ہے۔ اتوار کی صبح مرکزی وزارت صحت کی جانب سے جاری اعداد و شمار کے مطابق ، گذشتہ 24 گھنٹوں کے دوران ملک میں 349691 نئے کیسیس درج ہونے کے ساتھ ، متاثرہ افراد کی تعداد بڑھ کر ایک کروڑ 69 لاکھ 60 ہزار 172 ہوگئی ہے۔ اس دوران 217113 مریض صحتمند بھی ہوئے ہیں۔ اس سے قبل ہفتے کے روز ریکارڈ 219838 متاثرہ افراد کو مختلف اسپتالوں سے علاج کے بعد چھٹی دے دی گئی تھی۔ ملک میں اب تک ایک کروڑ 40 لاکھ 85 ہزار 110 افراد نے کورونا کو شکست دی ہے۔وہیں، فعال معاملات میں مسلسل اضافے کی وجہ سے ، ان کی تعداد بڑھ کر 2682751 ہوگئی ہے ، جبکہ مزید 2767 مریضوں کی موت ہوئی ہے۔ ملک میں شفایاب ہونے کی شرح کم ہوکر 83.05 ہوگئی ہے اور فعال معاملات کی شرح 15.82 فیصد ہوگئی ہے جبکہ اموات کی شرح 1.13 فیصد رہ گئی ہے۔مہاراشٹرا ریاست کوروناوائرس میں سب سے زیادہ متاثر ہے۔
