نئی دہلی۔ ملک میں عالمی وبا کورونا وائرس رکنے کا نام نہیں لے رہا ہے اور گذشتہ 24 گھنٹوں میں متاثرہ افراد کی تعداد ساڑھے چار لاکھ سے تجاوز کرگئی ہے جس میں 14,821 نئے کیسز بھی شامل ہیں۔ تاہم یہ راحت کی بات ہے کہ اسی عرصے کے دوران قریب 10 ہزار افراد شفایاب ہوئے ہیں۔اتوارکے روز صحت اور خاندانی بہبود کی مرکزی وزارت کی جانب جاری تازہ ترین اعداد و شمار کے مطابق کورونا وائرس کے نئے کیسز کے ساتھ متاثرہ افراد کی مجموعی تعداد بڑھکر 4,25,282 ہوگئی ہے ۔ گزشتہ 24 گھنٹوں کے دوران مزید 445اموات کے ساتھ مجموعی تعداد 13,699 ہوگئی ہے ۔ دوسری طرف اس بیماری سے صحتمندہونے والے افراد کی تعداد میں بھی اضافہ ہورہا ہے اور اسی عرصہ میں 9437 مریض ٹھیک ہوئے ہیں جنہیں ملا کر 2,37,196 مریض شفایاب ہوچکے ہیں۔ تاہم ، اس وقت ملک میں کورونا وائرس کے 1,74,387 فعال کیسز ہیں۔ملک میں کورونا وائرس سے ریاست مہاراشٹرسب سے زیادہ متاثر ہے جہاں کووڈ19کے 3870 کیسزدرج ہوئے اور گذشتہ 24 گھنٹوں کے دوران 186 افراد کی موت ہوئی ہے ۔ اس کے ساتھ ہی ریاست میں متاثرہ افراد کی مجموعی تعداد بڑھ کر 1,32,075 ہوگئی ہے اور مرنے والوں کی مجموعی تعداد بڑھ کر 6170 ہوگئی ہے ۔ اس مدت کے دوران ریاست میں 1591 مریض شفایاب ہوئے ہیں، جس کے بعد صحت مند افراد کی مجموعی متعداد 65,744 ہوگئی ہے ۔قومی دارالحکومت دہلی میں بھی کورونا کی وبا نے تباہی مچائی ہے اور اب یہ وائرس کے مسلسل بڑھتے کیسز کے اعداد و شمار کے ساتھ ملک میں دوسرے نمبر پر آگیا ہے ۔ گزشتہ 24 گھنٹوں کے دوران 3000 نئے کیسز کی رپورٹ کے ساتھ متاثرہ افراد کی مجموعی تعداد 59,746 ہوگئی۔ اسی عرصے میں 63 مریضوں کی موت کے بعد ہلاک شدگان کی مجموعی تعداد 2175 ہوگئی۔ ہلاکتوں کی تعداد کے معاملہ میں دہلی مہاراشٹر کے بعد دوسرے نمبر پر ہے ۔ دارالحکومت میں 33,013 مریض شفایاب ہوئے ہیں۔ یہاں صحت مند ہونے والے مرٰیضوں کو مختلف اسپتالوں سے فارغ کیا گیا ہے ۔کورونا وائرس سے متاثر ہونے کے معاملے میں تامل ناڈو تیسرے نمبر پر ہے جہاں اب متاثرہ افراد کی مجموعی تعداد 59,377 تک جا پہنچی ہے ، اور اب تک 757 افراد اس وائرس کی وجہ سے ہلاک ہوچکے ہیں۔ ریاست میں 32,754 افراد کو علاج کے بعد مختلف اسپتالوں سے فارغ کردیا گیا ہے ۔ملک کی مغربی ریاست گجرات کووڈ 19 کے متاثرہ مریضوں کی تعداد کے لحاظ سے چوتھے نمبر پر ہے ، لیکن اموات کی تعداد کے لحاظ سے یہ مہاراشٹراور دہلی کے بعد تیسرے نمبر پر ہے ۔ گجرات میں اب تک 27,260 افراد اس وائرس سے متاثر ہوچکے ہیں اور 1663افراد لقمہ اجل بن چکے ہیں۔ ریاست میں 19,349 افراد اس وبا سے شفایاب ہوئے ہیں۔