نئی دہلی،23 اپریل (سیاست ڈاٹ کام) ملک میں کورونا وائرس (کووڈ ۔19)کے کیسز میں مسلسل اضافہ ہورہاہے اور گزشتہ 24 گھنٹوں کے دوران 1409 نئے کیس درج کئے جانے کے ساتھ ہی متاثرین کی تعداد 21 ہزار کے پار پہنچ گئی ہے اوراس دوران اس وبا سے 41 افراد کی موت ہونے سے ہلاک شدگان کی تعداد مجموعی تعداد 681 ہو گئی ہے ۔ملک کی مختلف ریاستوں اور مرکز کے زیر انتظام علاقوں میں کورونا وائرس کے اب تک کل 19،984 کیسز کی تصدیق ہوئی ہے جن میں 77 غیر ملکی مریض بھی شامل ہیں۔ کورونا وائرس سے متاثرین کے صحت مند ہونے کی رفتار بھی تیز ہوئی ہے اور گزشتہ 24 گھنٹوں میں کورونا وائرس سے متاثر 388 افراد کے صحت مند ہونے کے ساتھ ایسے لوگوں کی تعداد 4,258تک پہنچ گئی ہے ۔وزارت صحت کی جانب سے جمعرات کی صبح جاری تازہ ترین اعدادوشمارکے مطابق کورونا وائرس ملک کی 33 ریاستوں اورمرکز کے زیر انتظام علاقوں میں پھیل چکا ہے ۔ کورونا وائرس سے سب سے شدید متاثرریاست مہاراشٹرہے جہاں متاثرین کی تعداد میں ایک دن میں 434 مریضوں کا اضافہ درج کیا گیا جس سے اس کی مجموعی تعداد ہوگئی ہے ۔ گزشتہ 24 گھنٹوں کے دوران ریاست میں 18 مزید افراد کی موت کے بعد اس وبا سے مرنے والوں کی تعداد بڑھ کر 269 ہو گئی ہے ۔ریاست میں 789 متاثر مریض ٹھیک ہو چکے ہیں.گجرات گزشتہ 24 گھنٹوں کے دوران 229 نئے کیس سامنے آنے کے ساتھ متاثرین کی تعداد کے معاملے میں دوسرے مقام پر پہنچ گیا ہے ۔ گجرات میں متاثرین کی مجموعی تعداد 2,407ہو گئی ہے اور 13 مزید افراد کی موت کے بعد مرنے والوں کی تعداد 103 تک پہنچ گئی ہے ۔اس کے بعد ملک کی قومی راجدھانی دہلی ہے جہاں گزشتہ 24 گھنٹوں میں 92 نئے کیس درج کئے جانے کے بعد اب تک کل 2,248افراد اس وبا سے متاثر ہوئے ہیں اوراس دوران مرنے والوں کی تعداد میں مزید ایک کے اضافہ کے ساتھ یہ تعداد بڑھ کر 48ہو گئی ہے ۔دارالحکومت میں 724 مریضوں کو علاج کے بعد اسپتال سے چھٹی دے دی گئی ہے ۔وہیں راجستھان میں گزشتہ 24 گھنٹوں کے دوران 231 نئے کیس سامنے آئے ہیں اور یہ تعداد بڑھ کر 1,890ہو گئی۔ ریاست میں انفیکشن سے دو مزید افراد کی موت کے ساتھ مرنے والوں کی مجموعی تعداد بڑھ کر 27 ہو گئی ہے ۔تمل ناڈو میں 33 نئے کیس سامنے آئے اور متاثر مریضوں کی تعداد بڑھ کر 1,629ہو گئی اور ریاست میں انفیکشن سے مرنے والوں کی تعداد 18 ہے ۔