اندرون 24 گھنٹے 120 اموات ، متاثرین کی جملہ تعداد 90,927
نئی دہلی، 17 مئی (سیاست ڈاٹ کام) ملک میں کورونا وائرس کا قہر جاری ہے۔ آہستہ آہستہ بڑھتے کیسز کے درمیان ایک خوشگوار حقیقت یہ بھی ہے کہ اس بیماری سے نجات پانے والے مریضوں کی تعداد میں اضافہ ہو رہا ہے ۔ ملک کی مختلف ریاستوں میں ایک دن میں ہی قریب پانچ ہزار نئے کیس سامنے آئے ہیں وہیں اسی مدت میں سب سے زیادہ تقریبا چار ہزار مریض ٹھیک ہوئے ہیں۔ملک میں متاثرین کی مجموعی تعداد 90 ہزار کے اعداد کو پار کر گئی ہے اور اب یہ دنیا بھر میں کورونا وائرس سے انفیکشن کے سب سے زیادہ اعداد و شمار والے ممالک کی فہرست میں 11 ویں نمبر پر آ گیا ہے ۔مرکزی صحت اور خاندانی بہبود کی وزارت کی جانب سے اتوار کی صبح جاری اعداد و شمار کے مطابق ملک کی مختلف ریاستوں اور مرکز کے زیر انتظام علاقوں میں گزشتہ 24 گھنٹوں میں کورونا وائرس کے 4987 نئے کیسز سامنے آئے ہیں اور 3956 لوگ صحت مند ہوئے ہیں جبکہ اسی مدت میں 120 لوگوں کی موت ہوئی ہے ۔ ملک بھر میں اب تک کل 90,927لوگ کورونا وائرس سے متاثر ہوئے ہیں اور 2872 لوگوں کی موت ہوئی ہے جبکہ 34,109 لوگ اس انفیکشن سے مکمل طور ٹھیک ہوئے ہیں اور انہیں مختلف اسپتالوں سے ڈسچارج کردیا گیا ہے ۔ملک میں کوروناوائرس سے سب سے زیادہ مہاراشٹر متاثر ہوا ہے اور اس کی وجہ سے ریاست کی حالت مسلسل بگڑ رہی ہے . مہاراشٹر میں گزشتہ 24 گھنٹوں میں 1606 نئے کیس سامنے آئے ہیں، جس کے بعد یہاں متاثرین کی مجموعی تعداد 30,706 ہو گئی ہے جبکہ 1135 افراد کی موت ہو چکی ہے اور 7088 لوگ اس انفیکشن سے ٹھیک بھی ہوئے ہیں۔ کورونا وائرس سے متاثر ہونے کے معاملے میں گجرات دوسرے نمبر پر ہے ، یہاں متاثرین کی تعداد پانچ عدد میں پہنچ گئی ہے ۔گجرات میں اب تک10ہزار 988لوگ اس وبا سے متاثر ہوئے ہیں اور 625 اموات ہوئی ہے جبکہ 4308 لوگوں کے علاج کے بعد مختلف اسپتالوں سے چھٹی مل چکی ہے ۔
کورونا وائرس انفیکشن کے کیسز میں پانچ عدد کی فہرست میں تمل ناڈو تیسرے نمبر پر ہے ۔یہاں متاثرین کی مجموعی تعداد 10ہزار585 ہو گئی ہے اور اس کے انفیکشن سے 74 لوگوں کی موت ہو چکی ہے . اس کے علاوہ 3538 لوگ اس بیماری سے شفایاب ہوچکے ہیں۔قومی دارالحکومت دہلی کی بھی پوزیشن اس جان لیوا وائرس کی وجہ سے تشویشناک بنی ہوئی ہے ۔ دہلی میں اب تک 9333 لوگ متاثر ہوئے ہیں اور گزشتہ 24 گھنٹوں میں چھ مریضوں کی موت کے ساتھ ہلاک شدگان کی تعداد 129 تک پہنچ گئی ہے اور 3926 لوگوں کے علاج کے بعد اسپتالوں سے چھٹی دے دی گئی ہے ۔راجستھان میں بھی کورونا وائرس تیزی سے پھیل رہا ہے . یہاں کورونا وائرس متاثرین کی تعداد 4960 ہو گئی ہے اور 126 افراد کی موت ہو چکی ہے ، جبکہ 2839 افراد مکمل طور ٹھیک ہوئے ہیں. ملک کی سب سے بڑی ریاست اتر پردیش میں اب تک 4258 لوگ اس وبا کی زد میں آئے ہیں اور اس وبا سے مرنے والوں کی تعداد 104 ہو گئی ہے جبکہ 2441 لوگ اب تک اس سے ٹھیک ہوئے ہیں.مغربی بنگال میں 2576 لوگ کورونا وائرس سے متاثر ہوئے ہیں اور 232 افراد کی موت ہو چکی ہے جبکہ اب تک 872 لوگ ٹھیک ہوئے ہے ۔