نئی دہلی : ہندوستان میں کورونا اثر میں اضافہ ہورہا ہے اور گذشتہ 24 گھنٹوں میں اس کے 93249 سے زیادہ معاملے رپورٹ ہوئے ہیں ، 2021 میں ایک دن میں یہ سب سے زیادہ کیس ہیں اور ملک میں سرگرم کیسوں شرح 5.5 فیصد سے زیادہ ہوگئی ہے ۔ وزارت کے اعداد و شمار کے مطابق ، گذشتہ 24 گھنٹوں میں کورونا کے 93249 نئے کیس سامنے آئے ہیں۔ اس کے بعد ، متاثرہ افراد کی تعداد ایک کروڑ 24لاکھ 85ہزار 506ہوگئی ہے ۔ اس دوران 60048 مریض صحت مند ہوئے ہیں ، جنہیں ملاکر اب تک 11629289 کورونا سے نجات پا چکے ہیں۔سرگرم کیس 691597 ہوگئے ہیں۔ اس دوران 513 افراد کی موت کے ساتھ اموات کی تعداد بڑھ کر 164623 ہوگئی ہے ۔ملک میں صحتیابی کی شرح 93.14فیصد اور فعال کیسوں کی شرح 5.54فیصد ہوگئی ہے جبکہ اموات کی شرح 1.32 فیصد رہ گئی ۔مہاراشٹرا کورونا کے فعال معاملات کے معاملے میں سرفہرست ہے اور ریاست میں گذشتہ 24 گھنٹوں میں ایکٹیو کیس بڑھ کر 402552 ہو گئے ہیں۔