نئی دہلی ،27 دسمبر (سیاست ڈاٹ کام)کانگریس جنرل سکریٹری پرینکا گاندھی واڈرا نے بھارتیہ جنتاپارٹی پر وعدہ پورا نہ کرنے کا الزام لگاتے ہوئے کہاکہ وہ عوام کو گمراہ کرکے مرحلہ وار طریقہ سے اداروں کو بربادکرنے مصروف ہے ۔ پرینکا نے ٹویٹ کرکے کہاکہ بی جے پی حکومت منظم طریقہ سے کام کرتی ہے اور ملک کے آئین کوتباہ کرتی ہے ۔ملک کے عوام کوگمراہ کرتی ہے اور پھر انھیں ہی ’بے وقوف‘ہے ۔انھوں نے کہاکہ اس بار ملک کے نوجوان میدان میں ڈٹے ہوئے ہیں وہ اپنے حقوق کے معاملہ میں پیچھے نہیں ہٹنے والے ۔ انھوں نے کہا کہ کرونولوجی سمجھیے آپ۔پہلے وہ آپ سے دوکروڑ نوکریوں کا وعدہ کریں گے ،پھر وہ حکومت بنائیں گے ،پھر وہ آپکی یونیورسٹیوں کو برباد کریں گے ،پھر وہ ملک کا آئین برباد کریں گے ،پھر آپ پروٹیسٹ کریں گے ،پھر وہ آپ کو ‘فول ’ بولیں گے۔ لیکن ینگستان میدان میں ڈٹارہے گا۔