دیگلور۔ 12 ستمبر (سیاست ڈسٹرکٹ نیوز) پرم ویر چکر،کمپنی کوارٹر ماسٹر حوالدار شہید عبدالحمید صاحب کو ان کے شہادت کے دن پر دیگلور شہر میں ان کی یادگار شہید سمارک پر پھول چڑھائے گئے۔صدر کمیٹی ایڈوکیٹ قاضی ولایت تحسین نے ان کی وطن کے تئیں محبت و فوجی خدمات کو یہاں پر یاد کیا۔ اس موقع پر سابق میونسپل کارپوریٹر سینیئر ایڈوکیٹ قاضی محسن علی، میونسپل کونسل کے ایڈمنسٹریٹر و چیف آفیسر مسز نیلم کامبڑیمیڈم، اسسٹنٹ پولیس انسپکٹر نرہری پھڑ،سابق صدر بلدیہ موگلاجی شرشیٹوار (صدر کانگریس کمیٹی)،خالد پٹیل، ایڈوکیٹ معز الدین انعامدار، ایڈوکیٹ عبدالرزاق، ڈاکٹر ملند شیکارے، ایڈوکیٹ ورکھینڈے، کانگریس کے سیکرٹری سید عرفات، شیخ معین، ایڈیٹر حالات سید نوید انجم، ایڈوکیٹ یادؤ پٹیل، ماڑگے صاحب سینیئر صحافی و پروفیسر بھیم راؤ ڈیپکے، اویناش جادھؤ، شعیب پٹیل، نوید پٹیل، محمد محسن ایل۔آئی۔ سی۔موجود تھے اس موقع پر شہید عبدالحمید کی وطن پرستی اور ان کے کارناموں پر روشنی ڈالی گئی۔
