سمندری سلامتی ہی ملک کی اصل سلامتی، انڈین کوسٹ گارڈ ڈیکوریشن تقریب سے وزیر دفاع خطاب
نئی دہلی۔ وزیر دفاع راج ناتھ سنگھ نے آج کہا کہ بڑھتی ہوئی بحری طاقت کے طور پر ہماری خوشحالی کا زیادہ تر انحصار سمندر پر ہے ، اس لیے بلا روک ٹوک بحری سرگرمیاں انتہائی اہمیت کی حامل ہیں۔ یہاں انڈین کوسٹ گارڈ ڈیکوریشن تقریب سے خطاب کرتے ہوئے مسٹر سنگھ نے سمندر کے ساتھ قدیم تعلقات کا حوالہ دیتے ہوئے کہا کہ “ہماری روایات، تہوار ، فنون ، ادب ، ثقافت ، تجارت اور معیشت بڑی حد تک سمندر سے جڑے ہوئے ہیں۔ لیکن اس خوشحالی کے ساتھ ساتھ ہمیں سمندر سے متعلق کوئی کم سیکورٹی چیلنج نہیں ملی ہیں، ہمارا سمندر کے ساتھ دیرینہ تعلق ہے ۔ ایک طرف سمندر نے ہمیں دولت ، معدنیات اور نباتات سے مالا مال کیا ہے ، دوسری طرف اس نے ہمیں دنیا سے جوڑنے کا کام بھی کیا ہے ۔ بحری سرگرمیوں کو ملک کی ترقی کے لیے ضروری قرار دیتے ہوئے انہوں نے کہا کہ آج ہمارا ملک تیزی سے ترقی کی راہ پر گامزن ہے ۔ اس طرح ہماری بنیادی ضروریات میں سے ایک بلا روک ٹوک بحری سرگرمیاں ہیں۔ بڑھتی ہوئی سمندری طاقت کے طور پر ہمارا بہت حد تک سمندر پر انحصار ہے ۔ سمندری سلامتی کو ملکی سلامتی کا ایک اہم حصہ قرار دیتے ہوئے وزیر دفاع نے کہا کہ اس کے بغیر ملک کی سلامتی ممکن نہیں ہے ۔ سمندری سیکورٹی کے بغیر ایک جامع اندرونی اور بیرونی سیکورٹی فریم ورک کی تعمیر ممکن نہیں ہے ۔ ملک کے سمندری زون کو محفوظ اور آلودگی سے پاک رکھنا ہماری سیکورٹی کی ضروریات اور بیک وقت معاشی ترقی کو یقینی بناتا ہے ۔ انہوں نے بتایا کہ انڈین کوسٹ گارڈ علاقائی تعاون کو فروغ دینے ، بحر ہند میں سمندری امن کو برقرار رکھنے اور حکومت کے وژن کے مطابق بین الاقوامی سمندری ایجنسیوں کے ساتھ مل کر کام کرنے میں ہمیشہ پیش پیش رہا ہے ۔ انہوں نے بتایاکہ مجھے یہ کہتے ہوئے خوشی ہو رہی ہے کہ ہمارے کوسٹ گارڈ کی جانب سے میری ٹائم سیکیورٹی کو یقینی بنانے کے لیے کیے گئے بہادرانہ اقدامات نے نہ صرف ہمارے خطے بلکہ ہمارے پڑوس پر بھی اثرات مرتب کیے ہیں۔ راج ناتھ سنگھ نے کہا کہ انڈین کوسٹ گارڈ علاقائی تعاون کو فروغ دینے ، بحر ہند میں سمندری امن کو برقرار رکھنے اور حکومت کے وژن کے مطابق بین الاقوامی سمندری ایجنسیوں کے ساتھ مل کر کام کرنے میں ہمیشہ پیش پیش رہا ہے ۔ انہوں نے بتایاکہ مجھے یہ کہتے ہوئے خوشی ہو رہی ہے کہ سمندری سلامتی کو یقینی بنانے کے لیے ہمارے کوسٹ گارڈ کی جانب سے کیے گئے بہادر اقدامات نے نہ صرف ہمارے خطے بلکہ ہمارے پڑوس پر بھی اثرات مرتب کیے ہیں۔ اس تناظر میں انہوں نے کوسٹ گارڈ کے مختلف کامیاب مشنوں کا جیسے ‘نیو ڈائمنڈ’ پھر کنٹینر ویسل ایکسپریس پرل کا ذکر کیا، انہوں نے بتایا کہ کوسٹ گارڈ کی بروقت کارروائی کی وجہ سے بڑی تباہی کو ٹالا جاسکا۔ اس سے ملک کو عالمی شہرت اور ایک ذمہ دار اور مضبوط کوسٹ گارڈ کے طور پر آپ کی پہچان بنی ہے ۔ انہوں نے غیر قانونی اسلحہ اور منشیات کی اسمگلنگ کے شعبے میں کوسٹ گارڈ کی نمایاں شراکت کا حوالہ دیتے ہوئے کہا کہ اس سے معاشرے اور قوم کی خدمت ہوئی ہے اور ملک کا مستقبل بھی محفوظ اور مضبوط ہوا ہے ۔ انہوں نے سمندری طوفانوں کے دوران بھی کوسٹ گارڈ کی کارروائیوں کی تعریف کی۔ سنگھ نے کہا کہ کوسٹ گارڈ ، جو کبھی چار سے چھ کشتیوں سے شروع ہوا تھا، آج 150 سے زائد جہازوں اور 66 طیاروں کے ساتھ دنیا کی بہترین سمندری افواج میں ایک اہم مقام رکھتا ہے اور اہل وطن کو یقین ہے کہ قومی سمندری مفاد ملک محفوظ ہاتھوں میں ہے ۔ بہادر اہلکاروں کو اعزاز سے سرفراز کرنے کے بعد مسٹر سنگھ نے کمانڈرز کانفرنس سے بھی خطاب کیا۔