ساگر: مدھیہ پردیش کے ساگر ضلع کی رہنے والی اور ملک کے سب سے پرانے ٹیکس ادا کرنے والوں میں سے ایک گرجا دیوی تیواری کی موت کے بعد سرکاری اعزاز کے ساتھ ان کی آخری رسومات ادا کی گئیں۔ مجاہد آزادی پنڈت سدھناتھ تیواری کی اہلیہ گرجا دیوی (120) ملک کے سب سے پرانے ٹیکس دہندگان میں سے ایک تھیں۔ وہ بینا اسمبلی کی سب سے پرانی ووٹر تھیں۔ انہوں نے گزشتہ روز آخری سانس لی۔ کلکٹر اور ضلع الیکشن آفیسر دیپک آریہ کی ہدایت پر سب ڈویژنل آفیسر دیویندر پرتاپ سنگھ دیگر انتظامی عہدیداروں کے ساتھ آج ان کی رہائش گاہ پہنچے اور انہیں سرکاری اعزاز کے ساتھ الوداع کیا۔