نئی دہلی ،12جولائی (سیاست ڈاٹ کام)ملک میں اہمیت کے حامل 70سائنٹیفک اداروں میں تقریبا 3000 سائنس دانوں کے عہدے خالی ہیں ۔سائنس وٹکنالوجی کے وزیر ہرش وردھن نے جمعہ کو لوک سبھا میں ایک سوال کے تحریری جواب میں بتایاکہ ملک میں سائنس اور ٹکنالوجی کی وزارت سے منسلک 70اداروں میں 2911سائنس سائنس دانوں کے عہدے خالی ہیں ۔کونسل آف سائنٹیفک اینڈ انڈسٹریل ریسرچ کے ہیڈکوارٹر میں ہی 92سائنس دانوں کے عہدے خالی ہیں ۔ پانچ سائنٹیفک اداروں میں تو 100،100سے زائد عہدے خالی ہیں ۔ان میں سب سے زیادہ 177عہدے بنگلوروکے ادارے ‘ فورتھ پیراڈائم’ میں خالی ہیں ۔اس کے بعد دوسرے نمبر پر نیشنل کیمیکل لیباریٹری پونے ہے جس میں 123 سائنس دانوں کے عہدے خالی ہیں ۔سنٹرل فوڈ ٹیکنالوجیکل ریسرچ انسٹی ٹیوٹ میسور میں 111عہدے ،سنٹرل کیمیکل ٹکنالوجی حیدرآباد میں 102 اور نیشنل انسٹی ٹیوٹ آف اوشینوگرافی ،گوا میں 100عہدے خالی ہیں ۔ ہرش وردھن نے کہاکہ جب سائنس دانوں کے عہدے خالی ہوتے ہیں ،متعلقہ ادارہ یا لیباریٹریز ضابطہ کے مطابق تقرریوں کی پہل کرتی ہیں ۔
