ممبئی۔بالی ووڈ کے ماچو مین سنجے دت اور ایکٹر سنیل شیٹی ممبئی کے ڈبے والوں کی مدد کیلئے آگے آئے ہیں۔انہوں نے ممبئی کے ڈبہ والوں کو اپنی جانب سے راشن کٹ فراہم کرانے میں مدد کی ہے ۔ وزیر اسلم شیخ نے ٹوئٹ کرتے ہوئے لکھا ‘‘ممبئی کی جان ڈبہ والا کو ہماری ضرورت ہے ۔ ابھی ہمارے ڈبہ والے بھائیوں اور ان کے کنبہ کو راشن کٹس پہنچانے کیلئے سنجے دت، سنیل شیٹی، ریڈیو سٹی انڈیا اورمجھے جوائن کریں ‘‘۔ اسلم شیخ کے اس ٹوئٹ پر سنیل شیٹی نے اپنا رد عمل ظاہر کیا ہے ۔ انہوں نے اس اقدام کی تعریف کرتے ہوئے لکھا ‘‘آپ کو اور بھی طاقت … بہت اچھی پہل اسلم بھائی’’۔ سنیل شیٹی نے کہا ‘‘یہ اقدام اسلم بھائی اور سنجو کی جانب سے اٹھائے گئے ہیں۔ مجھے ان کے ساتھ ہاتھ ملانے میں کوئی دِقت نہیں تھی۔ پریما چا ڈبہ کے ساتھ جڑنے سے یہ اور بھی خوبصورت ہو جاتا ہے ۔ ہمارے پاس ابھی بھی تین ماہ کا منصوبہ ہے ۔ ہمارا ہدف 5000 خاندانوں کی مدد کرنا ہے۔