نئی دہلی: لوکس سبھا میں کانگریس کے لیڈر ادھیر رنجن چودھری نے ترنمول کانگریس اور بی جے پی کے مابین ساز باز ہونے کا الزام لگاتے ہوئے کہا کہ اب مغربی بنگال کی وزیراعلی ممتا بنرجی خرید و فروخت کے مقصد سے دہلی میں ہیں۔ مغربی بنگال کانگریس کے صدر نے کہاکہ ترنمول اور بی جے پی کے مابین ساز باز کا انکشاف گزشتہ دنوں اس وقت ہوا تھا جب ممتابنرجی نے ی جے پی کو شکست دینے کے لئے کانگریس کی صدر سونیا گاندھی سے کیا وعدہ توڑ ا تھا۔ انہوں نے کہاکہ محترمہ بنرجی کے بھتیجے کوک جب انفورسمنٹ ڈائرکٹوریٹ نے بلایا تو اسی وقت بی جے پی اور ترنمول کانگریس کے مابین ساز باز شروع ہوگئی تھی اور ممتابنرجی دہلی میں خرید و فروخت کے لئے آئی ہیں۔
لوک سبھا میں کانگریس کے لیڈر نے کہاکہ محترمہ بنرجی اپنے بھتیجے کو ای ڈی سے بچانے کے لئے ساز باز کررہی ہیں۔ ان کا کہنا تھا کہ اگست میں جب کانگریس کے ساتھ ترنمول کانگریس اور اپوزیشن کے دیگر لیڈروں نے بی جے پی کو شکست دینے کا فیصلہ کیا تھا تو محترمہ بنرجی نے کس وجہ سے یہ وعدہ توڑا۔
