مغربی بنگال کی وزیر اعلی ممتا بنرجی نے کلکتہ ہائیکورٹ میں اسمبلی انتخابات میں نندیگرام سیٹ پر بی جے پی رہنما شوبھندو ادھیکاری کی جیت کو چیلنج کیا ہے۔ واضح رہے کہ الیکشن کمیشن نے نندیگرام اسمبلی سیٹ پر ووٹوں کی گنتی کے لئے ترنمول کانگریس کی درخواست مسترد کردی تھی۔ ممتا بنرجی نے 2 مئی کو ووٹوں کی گنتی میں شوبھندو ادھیکاری سے ہارنے کے بعد ہی عدالت جانے کا فیصلہ کیا تھا۔ ووٹوں کی گنتی کے ایک دن بعد ، انہوں نے دعوی کیا تھا کہ حلقہ میں ووٹوں کی گنتی کی نگرانی کرنے والے انتخابی افسر کو دھمکی دی گئی تھی۔