کولکاتا : وزیرا علیٰ ممتا بنرجی نے گورکھا ترقیاتی کونسل کے انتخاب سے قبل دارجلنگ کی تمام سیاسی جماعتوں سے اپیل کرتے ہوئے کہا کہ وہ وعدہ کریں کہ اگلے 20دس سالوں تک صرف دارجلنگ اور ہلس کی ترقی کیلئے کام کریں گے ۔اس موقع پر انہوں نے بی جے پی کا نام لئے بغیر کہا ہے کہ یہاں کے عوام کو بھڑکانے کی کوشش کی جارہی ہے مگر وہ کامیاب نہیں ہوں گے ۔دارجلنگ چوراہے پر منعقدہ ایک تقریب میں ممتا بنرجی نے کہا کہ”مجھ سے وعدہ کریں کہ آپ اگلے 10 سال تک نہیں لڑیں گے ، صرف ترقی کے لیے کام کریں گے ۔
انہوں نے کہا کہ سیاست سے زیادہ عوام کے مفادات عزیز ہونا چاہیے ۔میونسپلٹی انتخابات میں ہمرو پارٹی کی جیت اور ترنمول کانگریس اور اس کے حامی جماعتوں کی شکست کے بعد دراجلنگ کی سیاست میں تبدیلی آگئی ہے ؤبی جے پی کا نام لیے بغیر منگل کو پہاڑی پر کھڑے ممتا نے کہا کہ ایک سیاسی پارٹی عوام کو گمراہ کر رہی ہے اور ووٹ حاصل کرنے کے بعد پہاڑ کے عوام کو فرموش کردیا ہے ۔ممتا بنرجی نے مقامی لیڈروں سے کہا کہ اس لیے آپ کو دہلی کی ضرورت نہیں ہے ، آپ کو دہلی کے لڈو کی ضرورت نہیں ہے ، آپ کو دارجلنگ، کارشیانگ اور کالمپونگ کے لڈو کی ضرورت ہے ۔ جی ٹی اے الیکشن کے حوالے سے انہوں نے کہا کہ جی ٹی اے کا الیکشن جلد ہوگا۔ دریں اثنا، ذرائع نے بتایا کہ گرونگ کا مورچہ، انیت تھاپر کا انڈین گورکھا ریپبلکن مورچہ اور ترنمول ایک ساتھ پہاڑیوں میں لڑ سکتے ہیں۔ انیتا کو ممتا کے اسٹیج پر بھی دیکھا گیا ہے ۔
