نیویارک،18جولائی (سیاست ڈاٹ کام) امریکہ کی ایک عدالت منشیات کی دنیا کے بے تاج بادشاہ اور میکسیکو کے اسمگلر ال چاپو کو منشیات اسمگلنگ کے معاملہ میں عمر قید اور جرمانے کی سزا سنائی ہے ۔غیرملکی میڈیا کے مطابق بروکلین کی وفاقی عدالت نے ال چاپو گزمین کو عمر قید کے ساتھ مزید 30 سال قید اور 12 ارب 60 کروڑ ڈالرس جرمانے کی سزا سنائی ۔ال چاپو کو فروری میں منشیات اسمگلنگ معاملہ میں امریکی عدالت نے مجرم قرار دیا تھا ۔ 62 سالہ منشیات اسمگلر کو ٹرائل کے لئے خصوصی طور پر امریکہ لایا گیا تھا ۔ ال چاپو گزمین دو دفعہ میکسیکو کی جیل سے فرار بھی ہو چکا ہے ۔