نارکوٹک انفورسمنٹ ونگ کا فیصلہ ۔ خصوصی ٹیموں کو متعین کیا گیا
حیدرآباد 30 دسمبر : ( سیاست نیوز) : حیدرآباد نارکوٹک انفورسمنٹ ونگ نے کہا کہ منشیات کی کسی بھی ممکنہ فروخت کا پتہ لگانے کے لیے شہر میں پب ، بار ، کلب اور پارٹی کے مقامات پر چھاپے ماریں گے ۔ پولیس کی ٹیمیں سٹی آرمڈ ریزرو ٹیمیں اور منشیات کی شناخت کیلیے خصوصی تربیت یافتہ پانچ رکنی نارکوٹک اسنیفر ڈاگ اسکواڈ کو تعینات کیا گیا ۔ ڈی سی پی وئیبھو گائیکواڈ کے مطابق حیدرآباد نارکوٹک انفورسمنٹ ونگ نے متعدد خصوصی کلسٹر ٹیمیں تشکیل دی ہیں جو انتظامیہ یا سرپرستوں کو تکلیف پہنچائے بغیر اداروں کی محتاط جانچ کررہی تھیں ۔ ذرائع نے بتایا کہ چھاپوں کے دوران ایک نائجیریا کے شہری کو حراست میں لیا گیا تھا اور تحقیقات کے نتائج کے بنیاد پر ممکنہ ملک بدری سمیت قانونی کارروائی کا جائزہ لے رہے ہیں ۔ فرضی اور انفورسمنٹ ٹیمیں شناخت شدہ ہائی فٹ فال تفریحی مقامات پر کام کرتی تھیں ۔ فوری ڈرگ ٹسٹ کٹس کا استعمال مشکوک افراد کی اسکریننگ کیلئے کیا جارہا ہے جبکہ پوشیدہ اشیاء کا پتہ لگانے نارکوٹک اسنیفر کتوں کو تعینات کیا گیا ہے ۔ ایک افسر نے بتایا کہ یہ اقدام بڑے پیمانے پر تقاریب کے دوران نظم و نسق کو برقرار رکھتے ہوئے عوامی مقامات کو محفوظ بنانے پولیسنگ کی ایک فعال حکمت عملی کی عکاسی کرتا ہے ۔ اس کوشش کی قیادت حیدرآباد نارکوٹک انفورسمنٹ ونگ انسپکٹرس ٹاسک فورس کے ساتھ مل کر سینئیر حکام کی نگرانی میں کررہے ہیں ۔۔ ش