ابوظہبی۔ ممبئی انڈینز کے کپتان روہت شرما نے ز یہاں آئی پی ایل 14 کے 42 ویں میچ میں پنجاب کنگز کو چھ وکٹوں سے شکست دینے کے بعد کہا کہ وہ اس بات سے اتفاق کرتے ہیں کہ ٹیم اپنی صلاحیتوں کے مطابق نہیں کھیلی لیکن یہ ایک طویل ٹورنمنٹ ہے اور ہمیں اپنے منصوبوں پرعمل کرتے رہنے کی ضرورت ہے اور حالات کو پڑھنا بہت ضروری ہے ، جس سے ہمیں بہت زیادہ اعتماد مل سکتا ہے ۔روہت نے میچ کے بعد کہا یہ ضروری ہے کہتسلسل کو نہ کھوئیں۔ ہاردک نے جس طرح صورتحال کو سمجھا وہ ٹیم کے نقطہ نظر سے بہت اہم تھا، ان کے لیے کریز پر وقت گزارنا ضروری ہے کیونکہ وہ زخموں سے واپس آ ئے ہیں۔ ایشان کشن کوباہر کرنا ایک مشکل فیصلہ تھا، وہ بہت پراعتماد دکھائی دیتے ہیں اور ہمیں ان کی طرف سے جو جواب ملا وہ بہت حوصلہ افزا تھا۔ سوربھ نے آج صحیح کردار ادا کیا ہے ۔ اس نے درمیانی اوورز میں اچھی کارکردگی کا مظاہرہ کیا ہے ۔
