لندن: برطانیہ میں میانمار کے سفیر کووا جوور من نے کہا کہ ریاستی کونسلر آنگ سان سوچی اور صدر ون مِنٹ کی رہائی کے ساتھ ہی ملک کا موجودہ بحران سفارتی کوششوں کے ذریعہ حل کیا جانا چاہئے ۔پیر کو یہاں جاری ایک بیان میں مسٹر من نے کہا کہ فوجی بغاوت کے بعد گذشتہ ہفتہ برطانیہ کے وزیر داخلہ نگیل ایڈمز اور وزیر خارجہ ڈومینک ریب کے ساتھ میانمار کی صورتحال پر تبادلہ خیال کیا گیا تھا۔انہوں نے کہا ‘‘ہم اسٹیٹ کونسلر آنگ سان سوچی اور صدر یو ون منٹ کی رہائی کی درخواست کرتے ہیں’’۔انہوں نے کہا کہ موجودہ تعطل کو دور کرنے کے لئے سفارتی کوششیں کی جانی چاہئیں۔انہوں نے مزید کہا کہ لندن میں میانمار کے سفارت خانہ کھلے رہیں گے اور برطانیہ میں مقیم میانمار کے شہریوں کی مدد جاری رکھی جائے گی۔
