گدوال /12 اپریل ( سیاست ڈسٹرکٹ نیوز )جوگولمبا گدوال ضلع کانگریس پارٹی کے ضلع صدر پٹیل پربھاکر ریڈی نے اس ماہ کی 14 تاریخ کو منچیریالہ میں سی ایل پی لیڈر مالو بھٹی وکرمارک کے ذریعہ شروع عوامی مارچ کے ایک حصہ کے طور پر منعقد ہونے والے ایک بڑے جلسہ کی کامیابی پر زور دیا ہے۔ انہوں نیگدوال قصبہ میں کانگریس پارٹی کے دفتر میں منعقدہ ایک پریس کانفرنس سے خطاب کیا۔ انہوں نے کہا کہ اے آئی سی سی لیڈر راہول گاندھی کو پارلیمنٹ سے نکالے جانے کے خلاف اس ماہ کی 14 تاریخ کو منچیریالا کے پرگتھی میدان میں ایک بہت بڑا جلسہ عام منعقد کیا جا رہا ہے۔ اے آئی سی سی صدر ملکارجن کھرگے، ریاستی کانگریس پارٹی کے صدر ریونت ریڈی اور دیگر اس میٹنگ میں شرکت کررہے ہیں۔ضلع کے کانگریس قائدین بڑی تعداد میں آنے کی درخواست ہے۔ اس پروگرام میں گدوال کانگریس کے کارکنوں نے بڑی تعداد میں شرکت کی۔
رکن اسمبلی ظہیرآباد کے مانک راؤ نے کینسر مریضہ کی عیادت کی
ظہیر آباد – 12/ اپریل ( سیاست ڈسٹرکٹ نیوز ) رکن اسمبلی ظہیرآباد کونینٹی مانک راو نے آج حیدرآباد کے نمس اسپتال پہنچ کر میونسپلٹی ظہیرآباد کے وارڈ علی پور کے رہنے والے پریما کمار کی بیٹی پرینکا کی مزاج پْرسی کی جو گزشتہ کچھ دنوں سے بلڈ کینسر کی وجہ سے زیر علاج ہیں اور ان کے صحت کے بارے میں ان کے معالج سے دریافت کیا ۔ رکن اسمبلی مانک راؤ نے ان کے بہتر علاج کیلئے ریاستی وزیر صحت ٹی ہریش راو سے بھی رابطہ قائم کیا ۔ جس پر انہوں نے حکومت کی جانب سے ہر طرح سے بہتر خدمات فراہم کرنے کا وعدہ کیا جب کہ رکن اسمبلی نے اپنی طرف سے ایک لاکھ روپے کی مالی امداد دی۔ اس کارِخیر پر اہل خانہ نے رکن اسمبلی کا شکریہ ادا کیا۔ اس موقع پر رکن اسمبلی کے ساتھ متھن راج ، اسرائیل بابی اور دیگر موجود تھے۔
