نئی دہلی : دلی کے منڈکا علاقے میں ایک گودام میں آگ لگنے سے ایک شخص کی موت اور ایک دیگر جھلس گیا۔فائر بریگیڈ محکمے نے اتوار کو یہ اطلاع دی۔یہ واقعہ منڈکا کے سورن پارک کے ایک گودام میں سنیچر کی شب تقریباً گیار بج کر 10 منٹ پر پیش آیا اور اس پر قابو پانے کے لئے فائر بیگیڈ کے نو فائر انجن تعینات کئے گئے ۔محکمہ کے ملازمین کو آگ بجھانے کے دوران ایک شخص کی لاش ملی۔ واقعہ میں ایک دیگر شخص جھلس گیا لیکن اسے بچالیا گیا ہے ۔ مقامی لوگوں نے بتایا کہ مرنے والے کا تعلق اجودھیا سے ہے جو گودام میں مزدور کے طور پر کام کرتا تھا۔مقامی لوگوںں نے بتایا کہ یہ ایک منزلہ اس گودام میں ایئر کولر رکھے جاتے تھے ۔محکمے کے افسران نے بتایا کہ رات کو تقریباً ایک بجے آگ پر قابو پایا جاسکا۔ انہوں نے مزید بتایا کہ آگ کے اسباب کا ابھی تک پتہ نہیں چلا پایا ہے ۔